Al-Shabaab oo
digniin u jeediyay Shacabka Soomaaliyeed.
Muqdisho
07
/May/2008
Waagacusub.com
Shabaabka Caalamiga ee Soomaaliya ayaa
markii ugu horeysay digniin u jeediyay shacabka ,waxayna
ugu baaqeen inay ka fogaadaan bartilmaameedyada ay degan
yihiin Ciidamadda AMISOM,Gumeysiga Itoobiya iyo dowlada
federalka Cabdulahi Yusuf.
Al-Shabaab Al Mujaahidiin oo aan hore loogu
aqoon inay u damqadaan shacabka ayey fariintooda ka dhigan
tahay midii ugu horeysay ee ay ku muujiyeen dareen
wadaniyadeed maadama lagu yaqiin inay bambooyinka dhex
dhigaan bulshada rayidka iyo cadowga Itoobiya.
Al-Shabaab oo qorsheynaya inay weeraro is
dabajooga oo naftii huranimo qaadaan sida ay Waagacusub u
sheegeen ila wareedyo muhiima waxay soo saareen bayaan u
qoran sidaan:-
Dhaq dhaqaaqa Mujaahidiinta Al-Shabaab wuxuu kaga digayaa
Shacabkeena Muslimka ah in ay ka fogaadaan goobaha Cadowga
gaar ahaan calooshood u shaqeystayasha Afrika
Dhaqa
dhaqaaqa Al-Shabaab Al Mujaahidiin waxaa uu uga digayaaa
dhamaan shacabkeena Muslimka ah ee ku sugan gudaha dalka
in ay ka fogaadaana guud ahaan Xarumaha Cadowga
Islaamka,gaar ahaan xarumaha ay degan yihiin Calooshood u
shaqeystayaasha Afrika ee huwan magaca waxa lagu sheegay (Nabad
Ilaalinta).
Shacabkeena Muslimka ah waxaan ku adkeyneynaa in ay
feejignaan dheeraad ah u yeeshaan goobaha ay tagayaan iyo
xarumaha ay ka ag dhawaanayaan,ma dooneyno in xabadda
Mujaahidiinta ay gaarto shacabkeena Muslimka ah,inaguna
inta kalaankeena waan ka dheeraaneynaa arrinkaasi.
Waxaad tihiin shacabkii sidii dulmiga looga kor qaadi
lahaa,shareecadiisii Islaamkana loogu soo celin lahaa aanu
u daadinay dhiigga Madaxdeenii iyo
Mujaahidiinteenii,sidaasi darteed cid waliba oo kamid ah
shacabkeena Muslimka ah ee aan jecel nahay haka dheeraato
goobaha cadowgu uu degan yahay.
Waa digniin kama danbeys ah oo aanu siineyno shacabkeena
Muslimka ah ee la doonayo in lagu marin habaabiyo howlaha
ciidamada gaalada ay dalkeena u joogaan,gaar ahaan kuwa
isku bixiyay AMISOM,oo shacabkeena isaga dhiga in ay
gargaar u sidaan,sidaasi darteedna in badan oo kamid ah
ehelkeenii ay ku qaldameen.
Sidee idinkuugu gargaarayaan kuwa iyaguba dalalkoodii ay
baahi ku dileyso Malaayiin qof?Sidee nabad idinkuugu
ilaaliyaan kuwa iyaguba dalalkoodii aan nabad lagu
heyn?dhabtii maahan nabadda ay inoo ilaalinayaan illaa
mooyaane ''gaalnimo iyo Fisqi''iyo ''ka dheeraanshiyo
wadada Allaah iyo diinteena Islaamka'',oo sideen ku
rumeystaa gaal isaguba gaal ah in uu Muslim ilaaliyo kuna
ilaaliyo Muslimka wuxuu raali ka yahay!.
Mujaahidiinta Al-Shabaab waxa ay mar waliba qaadayaan
masuuliyadda ficilada ka yimaada howlaha
askartooda,waxaana aad uga dheeraaneynaa daadinta dhiig
xaraam ah,sidaasi darteed walaalaheena Muslimka ah waxaan
ku adkeyneynaa dhankoodana in ay kasoo baxaan arrinka laga
rabo oo aysan noqon dhiigoodu in uu daato kol la
bartilmaameedsanayo Cadowga Allaah,xarumahoodana ay ka ag
dhawaadaan.
Marka aan ka digeyno in laga fogaado goobaha Cadowga
dalkeena ku sugan maahan in aan u digeyno kuwa la
shaqeysta gaalada ee Murtadiinta ah,waxaanu leenahay
kuwaasi Xukunkiinu waxaa uu lamid yahay xukunka gaalada
aad la seexataan,iskala jooga adinka xarumahooda,uma
tureyno cid dhufeys qura kula jirta gaalada,haddaadse
Towbad keentaan oo Riddada kasoo laabtaan waxaad tihiin
walaalaheena diinta Islaamka,dhiigiinuna waa naga dhiig
Muslim.
Cadowga Allaah ee
dalkeena kusoo duulay waxaa uu ku jiraa maalmihiisii ugu
danbeeyay Bi Idnillaah,sidaasi darteed diinteena Islaamka
ee aan aqbaleyn mudaahanada waxay na fareysaa in aanu si
islamid ah sida gaaladu noola dirirayaan ula
dirirno,Acdaada Allaah oo dhan ee dalkeena jooga meel qura
baan ka gameynaa,Ugandha ayaa noola mid ah
Itoobiya,Burundiska ayaa noola mid ah
Mareykanka,dhamaantoodna waa cadowga Islaamka,gaal Allaah
iyo rasuulkiisa diiday oo xabado nool nool, noo sita
waxaan u heynaa inaguna TNT,RPG,B10 iyo wax waliba oo aan
awoodno inagoo kaashaneyna Allaah iyaguna aysan laheyn cid
ay kaashadaan.
Ugu danbeyn Waxaan ku celineynaa
shacabkeena Muslimka ah haka fogaadeen goobaha
cadowga,haka dheeraadeen xarumaha gaalada,seefta
mujaahidiinta gasha ayay banaanka ka taallaa,Cadowga
Allaah-na haku bishaareysto maalmo mad madow,guushuna
waxaa leh Islaamka,jab iyo hoogna waxaa lahaaday Kufriga
iyo wixii la socda.
By
Afhayeenka Al-Shabaab
Mukhtaar Rooboow Cali(Abuu Maansuur)
Halkaan ka dhageyso Warbixinta Weriye Xasan Cadde
