Taliyo Ciidan oo ka tirsan Midowga Maxkamadaha
islaamka oo u geeriyooday dhawac soo gaaray.
Hiiraan 08
/May/2008
Waagacusub.com
Ciidamada Maxaakimta ay kula galeen
deegaanka Garasiyaani ciidamo Itoobiyaan ah.
Saraakiil ka mid ah Midowga Maxaakimta Islaamka oo ku
sugan gudaha gobolka Hiiraan ayaa xaqiijiyay dilka Amiin
Barqadle Cosoble Daacad kaasi oo ay ay ku dileen ciidamada
Itoobiyaanka dagaalkii ugu qaraaraa ee shalay ku qabsaday
Itoobiyaanka deegaanka Garasiyaani ee bartanka Hiiraan.
Sarkaal magaciisa lagu soo gaabiyay Gaagaale oo la hadlay
saxaafadda ayaa xaqiijiyay dilka Amiin Daacad waxaana uu
adkeeyay in ay ka go'an tahay ciidanka Maxaakimta in ay
sii wadaan howlgalladooda ka dhanka ah cadowga waa sida uu
yiriye.
Allaha u naxariistee Amiin Daacad waxaa uu kamid ahaa
saraakiisha ugu sareysa ee Midowga Maxaakimta kuwooda
howlgallada ka wada gudaha gobolka Hiiraan,iyadoona uu
dhowr jeer ka hadlay saxaafadda kala duwan.
Ciidamada Itoobiyaanka aya dhankooda laga gubay 2 kamid ah
gawaarida Uuraalaha halka tiro badan oo kamid ah
Ciidankoodana ay halkaasi ku geeriyoodeen sida ay
xaqiijinayaan ilo xog ogaal ah.
Halkaan ka dhageyso Warbixinta Weriye Xasan Cadde
