Magaalada Jowhar ee Gobolka Sh/dhexe ayaa waxaa loo
sameeyay Ciidamo suga amaanka Magaaladaasi .
Jowhar 08
/May/2008
Waagacusub.com
Ciidamadani loo sameeyay Sugida
amaanka Magaalada Jowhar ee gobolka Sh/dhexe oo wata labis
u gaar ah ayaa xalay lagu arkayay Gudaha Magaaladaasi
iyagoo dhex wareegaya si ay u sugaan amaanka.
Ciidamada Madaniga ee loo sameeyay sugida Amaanka
Magaalada Jowhar ayaa la sheegay in aysan ku filneyn
magaalada maadaama ay tiradooda ka yartahay inta ku filan
magaalada oo weyn waxayna gaarayaan boqol askari oo keliya.
Ciidamadani waxaa ay gacan ka helayaan Maxaakiimta
Islaamiga waxaana xalay la dajiyay Saldhigga Ciidanka
Boliiska Xaafada H/Wadaag kuwaasi oo ah Ciidamo ka dhashay
kulan ay kol hore isugu yimaadeen Wax garadka Magaalada
Jowhar oo looga arinsanayay Sidii Ciidan Amaanka magaalada
Suga loo Sameeyn lahaa.
Magaalada Jowhar ee Xarunta Gobolka Sh/dhexe ayaa waxaysan
laheeyn maamul rasmi ah marka laga reebo Ciidamadani
madaniga ah ee loo sameeyay iyo Masuliyiinta Maxaakiimta
islaamiga oo sheegay in ay sugayaan Amaanka Wadada dheer
ee isku xirta Gobolada Hiiraan iyo Sh/dhexe.
Halkaan ka dhageyso Warbixinta Weriye Xasan Cadde
