Ciidamada dowladda Soomaaliya ee fariisinka ku leh
isgoyska Florenca oo Qarax saakay lala beegsaday .
Muqdisho 08
/May/2008
Waagacusub.com
Labo qarax oo is xigsaday iyo
tacshiirad xooggan ayaa subaxnimadii hore ee saakay laga
maqlay isgoyska Florance degmada Wardhiigley ee magaalada
Muqdisho halkaasoo fariisin u ah ciidamo ka tirsan kuwa
dowladda KMG Somaaliya.
Is rasaaseyntan oo socotay daqiiqado ayaa dhex martay
ciidamada fariisinkaas ku sugan iyo kooxo hubeysan oo
weerar gaadmo ah la beegsaday ciidamadaas,mana la oga
qasaaraha ka dhashay weerarkaas.
waxaa soo kordhaya maalmahan dambe weerarada iyo qaraxyada
lala eeganayo ciidamada dowladda KMG Soomaaliya iyo kuwa
Itoobiyaanka ee ku sugan dalka Soomaaliya.
tani Ma aha markii ugu horreysay oo ciidamo ka tirsan
dowladda KMG Soomaaliya weeraro gaadmo noocan oo kale ah
lagu qaado,
Halkaan ka dhageyso Warbixinta Weriye Xasan Cadde
