Dadka ku dhaqan magaalada Baydhabo oo cabsi ay la soo
deristay ka dib markii
Digniin culus loo jeediyey.
Beydhabo 08
/May/2008
Waagacusub.com
ururka hubeysan ee Al-sbabaab ee sida
weyn uga soo horjeeda siyaasadda dowladda KMG Soomaaliya
iyo joogitaanka ciidamada Itoobiya ee gudaha dalka
Soomaaliya ayaa digniin kulul u jeediyay shacabka ku
dhaqan magaalada Baydhabo ee xarunta gobolka Bay.
Afhayeenka dhaqdhaqaaqa Al-Shabaab Abuu Mansuur Roobow oo
habeenkii xalay saxaafadda la hadlay ayaa sheegay in ay
uga digayaan shacabka ku dhaqan magaalada Baydhabo in ay
ka ag fogaadaan goobaha ay ku sugan yihiin ciidamada
cadowga Itoobiya iyo kuwa gabaadka u ah ee dowladda KMG
Soomaaliya.
Waxa uu afhayeenku sheegay dadka reer Baydhabo uu uga
digayo in ciidamada Gaalada iyo kuwa Gaalo raacyada ee la
safan ay ka ag fogaadaan si waxyeellada lala tiigsanayo
aysan saameyn ugu yeelan, wuxuuna xusay in ciddii u tagta
ciidamadaas ama meel ay ka ag dhow yihiin ku sugnaata
wixii soo gaara aysan mas’uul ka ahayn ururka Al-shabaab
iyo xooggaga kale eek u fikirka ah ee dagaallada kula jira
cadowga iyo cadow kalkaalka.
Abuu Mansuur waxa uu sidoo kale ku sheegay in
dhaqdhaqaaqyadooda ay sii xoogeysteen, maalmaha soo
socdana ay sii badin doonaan, isla markaana ay uga
digayaan cid kasta oo ku ag dhowaata ciidamadaas inaysan
damiin ka noqon doonin wixii soo gaara.
haalkan digniinta ah ee ka soo yeeray afhayeenka Al-shabaab
ayaa ku soo beegmaya xilli maqribnimadii shalay
xooggagooda ay qarax miino ku dileen saraakiil iyo askar
ka tirsan dowladda KMG Soomaaliya oo marayay duleedka
magaalada Baydhabo, sidoo kalena shalay degaanno ka tirsan
gobollada Hiiraan iyo Sh/hoose ciidamo Itoobiyaan ah oo
xooggaga ka soo horjeeda weeraro ugu geysteen.
Halkaan ka dhageyso Warbixinta Weriye Xasan Cadde
