M/yurub, M/afrika iyo J/carabta oo wada Qorshe
isbedel loogu sameynayo baarlamaanka Soomaaliya .
Beydhabo 08
/May/2008
Waagacusub.com
Ilo lagu kalsoon yahay oo ku dhow
Baarlamaanka dowladda Soomaaliya ayaa shaaca ka rogaya in
ururada Midowga Yurub, Afrika iyo Jaamacadda Carabta ay
wadaan qorshe ah hindise cusub oo dib u heshiisiinta dalka
Soomaaliya lagu ambaqaadayo.
Hindisidahan cusub oo hirgelintiisa lagu beegay sanadka
2009-ka ayaa lagu sheegay in xubnaha ku jira Baarlamaanka
dowladda KMG Soomaaliya lagu sameynayo isku shaandheyn iyo
kala hufid, isla markaana xildhibaankii aan kalsooni ka
heysan beeshiisa, degaanka uu ka soo jeedana aan wax ka
geli karin laga qaadayo xubinnimada Baarlamaanka si
booskiisa uu u buuxiyo xubin kale oo waxgal ah.
Hindisihan oo ah mid qabyo ah oo diyaarintiisa ay wadaan
ururada Midowga Yurub, Afrika iyo J/Carabta ayaa marka uu
dhamaystirmo loo gudbinayaa Q/Midoobay si go’aan uu isna
uga qaato arrimaha dalka Soomaaliya iyo isbedellada
siyaasadeed ee la doonayo in sanadka 2009-ka lagu sameeyo.
Halkaan ka dhageyso Warbixinta Weriye Xasan Cadde
