Xoogaga Gobanimadoonka oo la wareegay fariisimo cusub
Muqdishoi 08
/May/2008
Waagacusub.com
Xoogaga Gobanimadoonka Soomaaliya
ayaa la wareegay gacan ku heynta degaano ka tirsan
Muqdisho sida Saldhiga Waaberi oo ay ku qabsadeen hub iyo
saad fara badan,sida ay ku waramayaan Weriyaasha
Waagacusub oo booqday.
Weriyaasha Waagacusub waxay
sheegayaan in Saldhiga Waaberi deb la qabadsiiyay lagana
sii daayay Maxaabiistii ku xirneed
dagaalyahanada qabsaday Saldhiga
Waaberi ayaa la sheegay inuu horkacayay Mujaahid
Abdulqadir Cali Cumar,waxayna sidoo kale kooxaha
gobanimadoonka dagaalo ka wadaan agagaarka Number 4,Tarabuunka
iyo jidka dheer ee Warshadaha.
Dagaalka Muqdisho ayaa
biloowday 8 saacadood kadib markii xoogagii ka
dagaalamayay Muqdisho awoodooda la mideeyay,lagana gudbay
qodob ay hore ugu dheganaayeen Al-Shabaab oo ahaa inay
yihiin awood gooni u taagan.
Xoogaga dagaalada wado waxaa la
hadal hayaa inay saldhigyadooda dib ugu laaban doonaan
isagana baxayaan degaanada ay qabsadeen oo ay ka mid tahay
Hotelka Ambasador.
" In ka badan shan boqol oo
hore uga tirsanaa Al-Shabaabka Caalamiga ayaa dagaalka ka
qeybgalay,waana laga gudbay wax la yiraa Al-Shabaab,waxaa
dagaalku magaciisu yahay Jabhadda Gobanimadoonka
Soomaaliya''ayuu yiri Sheekh Maxamud Sheekh Cumar oo ka
tirsan xoogaga dagaalka wada.
Inkastoo dagaalada socda lagu
tilmaami karo kuwii ugu xooga badnaa ee qaab xeeladeysan
lagu wajahay dowlada federalka hadana waxaa degaano ka
tirsan Shabeeladda hoose laga helay meydad xoolo dhaqato
ay goowraceen Itoobiyaanka.
Halkaan ka dhageyso Warbixinta Weriye Xasan Cadde
