Somalia Latest News English
Khawaarijta oo Goowracday Xildhibaan Inj Cadoow

Mogadishu 19 June 2009 Waagacusub Media.

Kooxaha Khawaarijta ayaa mida ku goowracay Inj Maxamed Xuseen Cadoow oo ka mida Xildhibaanada golaha baarlamaanka Somalia kadib markii ay nolol ku qabteen

Listen Radio1 Radio2 Radio3 Radio4 Radio5 Radio6 Radio7 Radio8 Radio9
 
Weriye ka tirsan Waagacusub ayaa sheegay inuu indhahiisa ku arkay Xildhibaanka oo dhaawaca ayna Tooreey qoorta kaga goowracayeen.

"Waxaan ka baxnay degmadda Kaaraan,dagaal culusna wuu socday,ka gadaal Xildhibaanka ayey xabad qabsatay,waxyar kadibna waxaa gacanta ku dhigay qolooyinka wejiyada duuban,anigoo gidaar kaga gambanayay rasaasta,waxay indhaheeygu qabanayeen Inj Cadoow oo Tooreey qoortiisa lagu kala jaray,runtii waan hubaa inuu dhintay,waxaana leeyahay allaha u naxariisto"ayuu yiri Weriyaha ka tirsan Waagacusub oo ka mid ahaa Weriyeyaashii ku sugnaa jiida hore ee dagaaladda Kaaraan.

Inj Cadoow oo u dhashay beesha Hawiye,gaar ahaan Mudulood,Udeejeen,wuxuu ka mid noqday Musharaxiintii u istaagay kursigii Madaxweynenimadda Somalia,wuxuu ahaa aqoonyahan furfuran oo saameeyn weyn ku dhex lahaa siyaasadda Somalia.

Dagaalka ka socda Degmadda Kaaraan oo la isu adeegsanaya hubka nuucyadiisa kala duwan ayaa sii laba lixaadsaday,waxaana wadooyinka tuban meeydad fara badan.

Ciidamo uu wato Yusuf Indhacadde ayaa ka dagaalamaya Kaawadda Kaaraan ,halka kuwa ay kala wataan Salaad Cali Jeelle iyo Maxamed Cismaan Dhagaxtuur ay dagaalo kaga jiraan Jiiro Wacbuudhan iyo dusha dambe ee gurigii Muusse Suudi Yalaxoow.

Dowladda Federalka Somalia oo u muuqato inay isku hagranayaan gelida dagaalka,waxaa dad badani ka cabsi qabaan in ugu dambeyn loogu tago Madaxtooyadda Villa Somalia ee uu ku sugan yahay Madaxweyne Shariif Sheekh Ahmed hadii aysan si rasmiya uga kicin hurdada qarawgaa ee sababay in maalinka hogaamiye muhiima laga dilo.

Si kastaba ha ahaatee,ma jiraan wax wara oo ka soo baxay dowladda Federalka kuna saabsan xaqiijinta in la goowracay Inj Cadoow
By Osman Hashi Kaariye ( Caanaboore)
Waagacusub Office
Oslo-Norway
kaariye1@hotmail.com

Email: waagacusub@waagacusub.com ama dahiralasow@yahoo.com
Waagacusub Sunday Music Part3 Dhageyso ama Download
Waagacusub Sunday Music Part2 Dhageyso ama Download

Sunday Music-Heesahii Radio Mogadishu Dhageyso ama Download

Waagacusub Media

The Largest Media in Somalia

WaagacusubOnline@yahoo.com
ASOJ MEMBERS MET IN NAIROBI  that meeting 
was discused the objective of the asoj and was 
nominated new