Topnews:- Siilaanyo oo aqbalay shirka London iyo ku xigeenkiisa oo iscasilaya ! xog hoose.

20 Janaury 2012 Waagacusub.com-Dowladda Ingiriiska ayaa cadaadis ku saartay Madaxweynaha Somaliland Ahmed Mohamed Siilaanyo inuu ka qeybgalo Shirweynaha garabyada Somalia loogu qaban doono Magaaladda London 23 Febaury 2012 si dalka Somalia loogu dhiso Dowlad Salbalaaran.

Maamulka Siilaanyo oo khilaaf ba’an ka dhex aloosan yahay ayaa Caawa si rasmiya ugu xaqiijiyay Dowladda Ingiriiska inay ka qeybgalayaan Shirweynaha London sida uu Waagacusub u sheegay diblomaasi ka shaqeeya Xafiiska Dowladda UK u qaabilsan arrimaha Somalia.
Diblomaasiga oo codsaday inaan magaciisa la shaacin wuxuu tibaaxay in aqbaalada Siilaanyo ka dhalatay markii lagu wargeliyay in Dowladda Ingiriiska joojin doonto dhaqaalaha ay siiso Somaliland.
“Laba dhambaal oo hore kama aysan jawaabin laakiin mid shalay loo diray ,loogana dalbaday inay moowqifkooda shirka cadeeyaan ayey galabta ku soo sheegeen inay aqbaleen shirka iyo wixii ka soo baxa”ayuu yiri Diblomaasiga .

Diblomaasiyiin ka hoowlgasha Safaaradaha Dowladda Ingiriiska ku leedahay Kenya iyo Ethiopia ayaa xaqiijiyay in Shirweynaha Ingiriiska lagu casuumay Maamuladda Khaatumo State of Somalia iyo Awdal State of Somalia.
Ergayga Qaramadda Midoobay u qaabilsan Arrimaha Somalia Amb Mahiga oo khadka telefoonka ugu waramay Waagacusub ayaa yiri “ Dagaalkii Kalshaale ayaa sababay inay Somaliland lumiso kalsoonidii beesha Caalamka,waxaana hada la gudboon inay tagaan Shirka London oo fikradooda ka dhiibtaan”
Madaxweyne Siilaanyo ayaa caawa shir albaabada u xiran la yeeshay dhamaan Xisbiyadda Somaliland ,wuxuuna u sheegay in Shirka London lagu saaray cadaadis sidaas darteedna ay la tahay in laga yeesho shir xasaasiya balse arrinka ugu weyn ee wejiga 1-aad uu yahay inay ka talo bixiyaan sida loo wajahi karo shirweynaha Taleex ee lagu dhisay Khaatumo State of Somalia.
Shirka albaabada u xiran ee Madaxweyne Siilaanyo la yeeshay Hogaamiyeyaasha Xisbiyadda Somaliland oo looga hadlayay Amaanka waxaa ku wehliyay Wasiirkiisa Madaxtooyadda Xersi Xaaji Cali halka uu ka maqnaa Wasiirkiisa Arrimaha Gudaha Mohamed Duur oo sharciyan ahayd inuu ka qeybgalo maadama uu joogo Hargeysa.
Siilaanyo oo madaxda Xisbiyada uga hadlay aragtidiisa Shirka London iyo dareenka qurba joogta wuxuu yiri “ Anigu waxaan qabaa inaan tagno oo fikradeena ka sheegno madasha ,waxaa ila soo hadlay qurba joog badan oo nooga digay inaan shirkaas tagno halka kuwa kalena ay nagu dhiirigelinayaan”
Siilaanyo wuxuu hadalkiisa raaciyay “Ingiriisku waxay doonayaan inay Dowlad qasaba ka dhisaan Somalia anagana runtii cadaadis xoogan ayey na saareen”
Ergayga Arrimaha Shirka u qaabilsan Dowladda Ingiriiska oo lagu magacaabo Matt Baugh ayaa shalay (Arbacadii) sameeyey bog ka mid ah bogga internetka ee Wasaaradda arrimaha dibadda dalka ingiriiska kaasi oo uu ku soo bandhigay Ajandaha Shirka London loogu qabanayo garabyada Somalia 23 Febaury 2012 Halkaan ka akhriso.
Inkastoo Ahmed Siilaanyo u jeelan yahay qadiyadda Somaliweyn hadana waxaa ku adkaan doonto inuu beesha Garxajis ogoleeysiiyo maadama hore loogu laayay xilligii ay taageerayeen allaha u naxariistee Cabdi Raxmaan Tuur.
Dhinaca kale, Madaxweyne ku xigeenka Somaliland Cabdi Raxmaan Saylici ayaa laga soo xigtay inuu iska casilayo xilka kadib markii uu tirsaday xadgudub iyo yasmo uu kula kacay Wasiirka Madaxtooyadda Xersi Xaaji Cali oo la rumeeysan yahay inuu yahay ninka daaha gadaashiisa ka maamusha awooda Madaxweyne Siilaanyo.
Cabdi Raxmaan Saylaci oo aan ka qeybgalin Shirkii golaha Wasiiradda Somaliland ayaa ergo wada xaajood ugu tagtay u sheegay in talada Madaxtooyadda ku aruurtay gacanta Wasiiro uu ka tilmaamay Xersi Tooriile.
“ Awood aan leeyahay ma jirto,waxaan noqday maqaarsaar iska fadhiya xafiiska,waxaa awoodeeyda ku shaqeeysanaya Xersi Xaaji Cali,waxay yasmadu gaartay inaan talada dalka la iga qeybgelin oo ay qol isku soo xiraan sidaa darteed tilaabada ii gudboon waxay tahay inaan xilka iska casilo,waxna la qeybsado tolkeeyga” ayuu yiri Cabdi raxmaan Saylaci.
Website-ka Qarannnews oo Warbixin dheer ka qoray Khilaafka Madaxtooyada ruxay ayaa tibaaxay in Cabdi Raxmaan Saylici ka qeybgali waayo kulankii golaha Wasiiradda oo ka dhacayay hool ku dhegan Xafiiskiisa.
Cabdi Raxmaan Saylici wuxuu u dhashay qabiilka Gadabuursi oo %85 taageersan Maamul Goboleedka Awdal State of Somalia hasse yeeshee lama oga inuu ku biiri doono Awdal State marka uu xilka iska casilo .
Wargeyska Waaheen ee ka soo baxa Hargeysa ayaa qoray “ Khilaafka Madaxtooyadda Somaliland ka dhex qarxay ayaa wali taagan waxayna ila wareedyo muhiima xaqiijiyeen in ergo u tagtay Madaxweyne ku xigeen Saylici kala soo laabteen guuldaro ”
Madaxweyne Siilaanyo oo dhowr jeer isku dayay inuu xilka qaadis ku sameeyo Wasiirkiisa Madaxtooyada ayey ku adkaatay ka gadaal markii uu diidmo kala kulmay Milkiilaha Shirkadda Dahabshiil Mohamed Saciid Ducaale (Dhiigshiil) oo ah ninkii lacagtiisa u adeegsaday sidii Siilaanyo ku fariisan lahaa Kursiga Madaxweynenimada Somaliland.
Xukumadda Ethiopia ayaa xiriirka u jartay Maamulka Somaliland kadib markii ay ka carootay Madaxweyne Siilaanyo oo ka biyo diiday dalab ay ku waydiisatay inuu xilka qaadis ku sameeyo Wasiiro xagjiriina oo laga xusi karo Wasiirka Madaxtooyadda Xersi Xaaji Cali (Tooriile),Wasiirka Maaliyadda Maxamed Xaashi (Keligii saxane) Wasiirka duulista Hawada Maxamud Xaashi (Ossama),Wasiirka Arrimaha gudaha Mohamed Caraale Nuur (Duur) iyo Wasiirka Diinta iyo Aawqaafta Khaliil Abdullahi.
Sida muuqato Ethiopia waxay ku hoowlan tahay qorshe ay ku taageereyso Maamuladda Khaatumo State iyo Awdal State kuwaas oo aaminsan fikrad Somaliweyn.

Dhageyso Barnaamij gaara Gabayo+Khudbado+Heeso Wadaniya

--
Dahir Alasow, A senior Radio and TV journalist, a leader of a press watchdog ASOJ, the editor of waagacusub.com, and outstanding commentator with fearless check on actions of the political groups and others players through investigative journalism, plus defender of the public interest and voice to the voiceless through "the truthful tip of his truth pen"
"Tribalism provides NO shelter; it ONLY causes destruction."
"Dugsi Male Qabyaaladi Waxay Dumiso
Mooyaane" Cabdullaahi Suldaan Timacadde

http://www.dahiralasow.com
Tel: +31684863567
dahiralasow@asoj.org
dahir.alasaw@raadtv.com
dahiralasow@waagacusub.com
www.waagacusub.com
www.asoj.org

By Dahir Alasow

Waagacusub is Investigative media with sense of professionalism, fearless in cultivating the truth, informative, unbiased, independent, educative, a role model and a voice to the voiceless.
By Dahir Alasow
+31684863567
Dahir.alasow@asoj.org

Hees Dhiigshiil ha dhigan Download here MP3

Waagacusub Media

The Largest Media in Somalia

WaagacusubOnline@yahoo.com
ASOJ MEMBERS MET IN NAIROBI  that meeting 
was discused the objective of the asoj and was 
nominated new