Belgium  20 May 2009 Waagacusub Media.


Xafladda oo say ka soo qaybgaleen madax sare oo ka tirsan iyo dad badan oo reer Somaliland ah..


Xaflad balaadhan oo aan hore sidan oo kale loogu qaban dalkan Belgium, kana baddalnayd habkii hore loogu bartay munaasabadda habeenkan Somaliland ee ahayd kaliya in ay dadka reer Somaliland iyagu kaliya isku yimaadaan ayaa xalay ka dhacday hoolka wayn ee xarunta Xisbiga Socialist Party ee dalka Belgium.

Shabaab oo Waagacusub dhaleeceeyay Dhageyso ama Download
 


Xafladan oo ay ka soo qayb galeen dad badan oo reer Somaliland ah, taageerayaal goonni isku taagga Somaliland , dad badan oo ka tirsan jaalliyadaha kala duwan ee ku nool dalka Belgium iyo xubno sar sare oo ka socday xisbiga Socialist Part.



Xafladdaan qiimaha lahayd ayaa waxaa sidoo kale goobtaasi ku sugnaa guddoomiyaha jaaliyadda Somaliland ee dalka Belgium Cabdiraxmaan Jaaket iyo Safiirka dalkan Belgium u fadhiya Somaliland Mr. Maxamuud Dacar.


Xafladan lagu xusayay 18 kii sanadood ee ka soo wareegay maalinta goonni isku taaga Somaliland ayaa ahayd mid qiiro wadaninimo ku beertay dhammaan dadkii kasoo qayb galay kaddib markii safiirka Somaliland u fadhiya dalka Belgium Maxamuud Dacar uu si qoto dheer uga hadlay tabihii kala duwanaa ee loo soo maray xornimadina maanta la hadhsanayo.

Sidoo kale waxaa iyana xaflada ka hadashay Ms. Simone Susskind oo ka socotay Xisbiga Socialist Party una tartamaysa doorashada Baarlaamaanka Yurub, Catherine Moureaux, Karim Chetioui & Ahmed Laaouej oo dhammaan ka wada socdeen xisbiga Socialist Party ee dalka Belgium.


Waxaa goobta ay xafladdu ka dhacday si kooban usoo booqatay Wasiiradda Waxbarashada dalka Belgium Ms. Francoise Depuis oo aad ugu riyaaqday hab u socodka xafladda aadna ugu nuux nuuxsatay in loo baahan yahay in la is wada barto laba dhinacba.

Xafladan ayaa ahayd mid ku cusbayd indhaha dadka ka soo qaybgalay,waxaanay dadku aad ula dhacsanaayeen habka quruxda badan ee loo soo agaasimay, taasi oo ay mahadeeda lahaayeen dhalinyartii isku hawshay sidii hawshaan ay u hirgali lahayd oo si aad ah looga xusi karo Cabdoow Xuseen oo waqti aad u faro badan galiyay hirgalinta xafladda nuucaan ah oo raali galisay dhammaan dhinacyadii kasoo qayb galay.


Waxaa Farriin iyo hanbalyo soo gaarsiiyay xafladda Philippe Moureaux oo ah Senator, Duqa magaalada ee degmada ay xafladdu ka dhacday isla markaana ah ku xigeenka xisbiga Parti Socialist ee dalka Belgium, sidoo kalena ah Wasiir oo xafladda ku casunna soona gaari waayay xafladda sababo ahaa dalka Belgium howlo ku saabsan oo deg deg uu u gaaray, inkastoo lagu wado in madaxan lagu casumo Hargaysa waqti aan sidaa u fogayn.


Xafladan Somaliland ee ka dhacday magaalada Brussels ayaa lagu tilmaami kartaa mid Somaliland u furtay fursad kale oo ay ku hantiyayso saaxibayaal cusub waxayna hormuud u noqotay saxiibtinimada dalka Belgium iyo Somaliland .

Waagacusub Media
Brussels , Belgium

waagacusub@waagacusub.com

Waagacusub Sunday Music Part3 Dhageyso ama Download
Waagacusub Sunday Music Part2 Dhageyso ama Download

Sunday Music-Heesahii Radio Mogadishu Dhageyso ama Download

Waagacusub Media