Muqdisho22 Setember /2008 Waagacusub.com

Kooxo hubeysan ayaa markii sedexaad waxay weerareen guriga Weriye Mohamed Ibrahim Aden {Nuune} sida ay Saxaafada u sheegeen dadka la deriska.

Weriye Mohamed Ibrahim oo aan la xiriirnay ayaa tibaaxay in dhowr mar telefoon iyo Emailo loogu hanjabay kadibna labo jeer oo hore gurigii uu deganaa weerar lagu qaaday.

“Ma aqaano cidda ay yihiin iyo waxa ay iga doonayaan,mana jooga hada Mogadishu oo waxaan joogaa meel kale” ayuu yiri Mohamed Ibrahim oo ka mida Weriyeyaasha Mogadishu ka hoowlgelayay sanadihii dambe.

Kooxaha weeraray guriga Weriye Mohamed Nuune ayaa ku hungoobay inay helaan Weriyaha waxayna u hanjabeen qoyskiisii ay la kulmeen.

“Wejiyada way u xirnaayeen,waxay soo galeen guriga,way baareen,ka gadaalna way na weydiiyeen Mohamed Ibrahim,ma arag ayaan dhahnay,kadib way noo hanjabeen”ayuu yiri qof qariyay magaciisa oo ku nool guriga Mohamed Ibrahim Aden.

Weriyaha gurigiisa la weeraray wuxuu ka mid yahay hoowl wadeenada sare ee Ururka isu taga Suxufiyiinta ASOJ.

Mohamed Ibrahim Aden oo la dhashay Saxaafiyada weyn ee Caasho Ibrahim Aden {Caasho Cuud} kana hoowlgasho Idaacadda VOA Somali ayaan la ogayn sababaha kooxaha hubeysan u baadi goobayaan .

Ururka isu taga Suxufiyiinta Somalia ee ASOJ ayaa cambaareeyay kooxaha weeraray guriga Weriye Mohamed Nuune,waxayna ku tilmaameen fal ka baxsan madax banaanida Jaraa’idka laguna barakicinayo Saxaafadda xorta.

Labadii sano ee la soo dhaafay waxaa Somalia lagu dilay Weriyeyaashii ugu badnaa ,waxaana ka qaxay in ka badan boqol Saxaafi kuwaas oo badankood ku dhibaateeysan dalalka Kenya,Uganda,Ethiopia iyo Somaliland halka in tira yar ay qaxootinimo isaga dhiibeen wadamada Yurub iyo Mareykanka.

  

Fadlan hadii aad dooneysid inaad afurinta Masaakiinta ka mid noqotid,intaad awoodo ku darso,adigoon yareeysan,hadaad joogta Muqdisho u gee Mashaa'iqda cunto ama timir waxaad awoodid,lana xiriir Cabdi Fitaax Maxamed Hilowle +2521-5565600