Nabadsugida
dowlada oo qorsheyneyso inay waxyeeleyso
Diyaaradda Jubba Airways
Muqdishoi 09
/May/2008
Waagacusub.com
Warar
hoosaadyo laga helayo ila xog ogaala ayaa sheegaya in
Saraakiisha sare ee Nabadsugida dowlada Federalka
qorsheyneyso weerar ay la beegsado Diyaaradda Jubba
Airways ee isticmaasha garoonka Aadan Cadde International
Muqdisho.
Ila
wareedyada u waramay Waagacusub waxay tibaaxayaan in
qorshaha ay iska kaashanayaan Saraakiisha Itoobiyaanka iyo
kuwa Federalka oo Shirkadaas ku tuhunsan inay taageerto
Xoogaga gobanimadoonka ee dagaalada kula jira.
Qaar
ka mida ganacsatada Soomaaliyeed ayaa xusay in Nabadsugida
Dowlada Federalka lagala xisaabtami doono hadii qorshaha
nuucaasa ay ku dhiiradaan,waxayna ugu baaqeen Madaxda
dowlada Federalka gaar ahaan Madaxweynaha iyo
Ra’isulwasaaraha inay ka fiirsadaan tilaabooyinka lagu
burburinayo ganacsiga Soomaaliya.
Diyaaradda
Jubba Airways waxaa isticmaala dadweyne rayida,waxayna
sidoo kale qaadaa Cargo ay Dubai ka rartaan ganacsato
Soomaaliyeed,waxaana eedeynta nabadsugida u muuqataa
marmarsiiyo .
Jubba Airways waxay ka mid tahay diyaaradaha ugu
caansan Soomaaliya ee waqtiyada adag ku dhiiraday inay
Soomaaliya ka hoowlgasho,waxaana lagu amaanaa wax
qabadkeeda dhinaca shaqo hufnaanta hasse yeeshee warka
sheegaya inay jiraan qorshe ka dhana waa mid u baahan ka
baaran dag aan la dhayalsan Karin
Halkaan ka dhageyso Warbixinta Weriye Xasan Cadde
