Topnews:-Jubooyinka
oo duufaano siyaasadeed hareeyeen.
Kismayo 31 march/2008
Waagacusub.com
Korneyl
Barre Hiiraale ayaa erayo khalafsan iyo soo dhaweyn hooseysa
kala kulmay garabyada dhaqanka,siyaasadda iyo gaashaandhigga
Beesha Sadde ka gadaal markii uu socdaalkiisii ugu horeeyay si
kedisa ku tegay Magaalo Xeebeedka Kismayo oo uu ka arrimin jiray
waqtiyadiisii macaanaa ee Dooxadda Jubba sanado badan oo farta malab
uu ka dhuuqi jiray balse aan cag dhigin tan iyo markii xoogagii
Maxaakiimta awood Melleteri kaga eryeen sanadii 2006 oo ay ugu
dambeysay.
Inkastoo
garabyada beesha Sadde aysan Ex Gudoomiyahii Dooxadda Jubba Korneyl
Barre Hiiraale u muujin hiil siyaasadeedkii oo ka filayay hadana
qado sharaf ay u sameeyeen ayey fursad u siiyeen inuu warbixin ka
siiyo ujeedka socdaalkiisa kediskaa ee shakiga badan huwan.
Korneyl
Barre Hiiraale wuxuu dhinacyadda Beesha Sadde ee xaflada qadada kala
qeybgashay u sheegay in ujeedka socdaalkiisu uusan quseyn xukun iyo
xil doon balse uu yahay mid ku saleeysan sidii uu kaga gacansiin
lahaa in Maamul goboleed loo dhiso Jubooyinka si shacabka ugu diyaar
garoobaan doorashada gobolada Soomaaliya ee 2009.
“
Waxaan idinkuugu imid inaan idiin dhiso Maamul goboleed ka hergelo
guud ahaan Jubooyinka si aad bulshada wax ula qeybsataan,waxaana
idiin sheegayaa inaana maamulkaas wax xila ka dooneyn”ayuu yiri
Korneyl Hiiraale oo hadalkiisa durbadiiba loo fasiray dhagar
siyaasadeed uu ku laab jilicsanayay garabyada Jubooyinka ee kaga
shakisan inuu xukun doon yahay.
Korneyl
Barre Hiiraale intii uu Qado sharafta la lahaa Dhinacyada Beesha
Sadde waxaa khadka telefoonka kula soo hadlay madaxdii la joogtay
Saraakiil sare oo Itoobiyaana iyo Madaxweyne Cabdulahi Yusuf oo ay
wehliyeen xubnaha labada gole ee DFKMG ugu jira beesha Mareexan.
Saraakiisha
Itoobiyaanka waxay Madaxda Beesha Sadde u sheegeen in Barre Hiiraale
ku wajahan yahay Ereteriya,kuna biiraayo Isbaheysiga dib u xoreynta
ee Casmara si uu kaga mid noqdo xoogaga diidan Dowlada Federalka iyo
Joogitaanka Ciidamadda Itoobiya ee Soomaaliya.
Madaxweyne
Cabdulahi Yusuf oo la
sheegay inay wehliyeen Xubnaha labada gole beesha Mareexaan ugu jira
Dowlada Federalka ayaa sidoo kale khadka telefoonka kula hadlay
madaxda Beesha Sadde wuxuuna ku wargeliyay in socdaalka Barre
Hiiraale ka dhigan yahay mid loogu gogol xaarayo Isbaheysi
siyaasadeed Mucaarada oo
la qorsheynayo inuu fariisin ka dhigto Kismayo.
“Waxaan
idinku wargelinayaa in Wafdi balaaran oo dowlada Federalka ka socda
ay Kismayo soo gaarayaan Isniinta ama Talaado sidaas daraadeed
waxaan idin kugu baaqayaa inaad ka fogaataan qorshe siyaasadeedka
Barre Hiiraale”ayuu Madaxweyne Yusuf ku yiri Madaxda Beesha Sadde,sida
ay Waagacusub u xaqiijiyeen qaar ka mid Masuuliyiintii uu la hadlay.
Madaxda
Beesha Sadde qaarkood ayaa Barre Hiiraale uga digay inuu ku dhiirado
dhaqaaqyo siyaasadeed ka dhana Dowlada Federalka oo uu ka bilaabo
Jubbooyinka hasse yeeshee Korneyl Hiiraale ayaa digniinta
Saraakiisha beeshiisa naqdiyay wuxuuna si cad ugu sheegay inuusan
Cabdulahi Yusuf kala tashaneyn horumarinta hindisahiisa heer maamul
ee Ex Dooxadda Jubba.
Warar
laga helayo ila lagu kalsoon yahay ayaa tibaaxaya in Barre Hiiraale
gogol xaar u yahay wafdi uu hogaaminayo Mudane Xasan Abshir Faarax
si Kismayo Xarun looga dhigo Isbaheysi siyaasadeed qalin ku dirira
oo ay ku mideysan yihiin siyaasiyiin waaweyn oo laga tilmaami karo
Ra’isulwasaarahii hore ee Somaliya Proff Cali Maxamed Geeddi.
Isbaheysiga
cusub ee Ra’isulwasaare Geeddi waxaa la soo weriyay inay dhabarka
ka riixayaan qaar ka tirsan dowladaha reer Galbeedka oo qorshahoodu
yahay sidii ay Xisbiyo siyaasiya kaga abuuri lahaayeen Somaliya
doorashada aan la hubin ee 2009 ka hor.
Si
kastaba ha ahaatee,waxaa muuqata in Jubooyinka ay hareeyeen duufaano
siyaasadeed,waxaana la wada eegayaa tilaabooyinka garabyada ku
loolamaya laacida awooda degaanadaas.
