Sawir
gacmeedyo laga sameyay fadeexadda Puntland ee gacangelin
Muwaadiniinta Ogaadeeniya.
Garowe 09
/May/2008
Waagacusub.com
Farshaxaniistaha
weyn ee Amiin Caamir ayaa sawir gacmeedyo ka sameeyay
tacadiyada Maamulka Puntland ee Xukumadda Itoobiya lay ugu
gacangeliyeen Muwaadiniin u dhashay Ogaadeeniya .
Sawir gacmeedka hab
dhaqanka Puntland ee Somalinimada,Islaamnimada ka baxsan
oo dadka qaar ay la ilmeeyeen ayuu ku muujiyay
Ra'isulwasaarre Zenawiga Itoobiya oo sida gaari gacan u
isticmaalaya Madaxweynaha Puntland,kuna daabulayo
Wadaniyiinta Gobanimodoonka Ogaadeeniya oo uu ka watay
gudaha degaanada Puntland
Sawir
Gacmeedka labaad ee Amiin Caamir wuxuu muujinayaa Puntland
oo noqotay Maqaaxi ama Jiko lagu kariyo hilibka uu Melles
Zenawi ugu jecel yahay cunistiisa ee
Muwaadiniin,Saraakiisha Jabhadda Ogaadeeniya
Sawir
gacmeedyadaan xaqiiqada ka turjumaya ayaa ku beegan xilli
todobaadyadii la soo dhaafay uu sare u kacay suuq
ugaarsiga dadka u dhashay Ogaadeenka ee ku nool gudaha
Puntland,waxaana labo ka mida Saraakiishooda sare ay
Itoobiyaanka ka kaxeysteen gudaha Garowe halka shan kalana
ay qaab shirqoola uga wateen Galkacyo.
Kooxo
la aaminsan yahay inay ka dabaaqtamayeen dhibaatada ay
madaxda Puntland ku ugaarsaneysa Muwaadiniinta u dhashay
Ogaadeeniya ee maciinka biday degaanadaas ayaa weerar
qorsheysan la beegsaday Boliiska Gaalkacyo dhinaca
Puntland iyagoo askar badan ku laayay.
Gudaha
Puntland waxaa ka qaxay boqolaal qoys oo u dhashay
Ogaadeena ka gadaal markii ay naftooda ku aamini waayeen.
Madaxweyne
Cadde Muusse oo la rumeysan yahay inuu noqday hogaamiyahii
ugu taariikhda xumaa ee soo mara Puntland ayaa
tilaabooyinka ugaarsiga Ogaadeeniya ku dhiiraday taas oo
ka dhigan bar madoow oo ka baxsan damiirka Somalinimo iyo
dhiiga wada dhalashada hoose.
Halkaan ka dhageyso Warbixinta Weriye Xasan Cadde
