Dahir Alasow" RAAD TV waa
horseedka Madaxbanaanida Warbaahinta Soomaaliya"
Rotterdam 10
/May/2008
Waagacusub.com
Gudoomiyaha Ururka isu taga
Suxufiyiinta Soomaaliyeed ee ASOJ Dahir Abdulle Alasow
ayaa markii ugu horeysay ka hadlay telefishinka cusub ee
Soomaaliyeed laguna magacaabo RAAD TV.
" Telefishinka cusub ee RAAD
TV waxay bahda Saxaafadda Soomaaliyeed ku soo dhaweynee
Caleema qoyan maxaa yeelay waxaan u aragnaa horseedka
Madaxbanaanida Warbaahinta Soomaaliya,waxaan u aragnaa
Ileys baaxad weyn oo hareeyay Masraxa mugdiga badan ee
Warbaahinta,waxaan u aragnaa mid ay daadihinayaan
hoowlwadeeno ka mida rug cadaayaasha waaweyn ee Saxaafadda
Soomaaliya" ayuu yiri Gudoomiyaha ASOJ Dahir Abdulle
Alasow oo dhinaca kale xusay inuu buuga loolanka furan
yahay una arko farxad in dhaliil iyo amaan uu la koowsado.
Dahir Alasow wuxuu tilmaamay
Maamulka iyo Weriyaasha RAAD Interational Tv inay yihiin
koox culus oo dareen gelisay dad badan,Warbaahinta kalana
qaar ay qalqal la deris noqdeen.
" Weriyaasha daadihinaya RAAD
TV iyo Maamulka adag ee loo sameeyay,waa ka naxoo nafta
waa,waxay ila tahay inay Saxaafadda Soomaaliya ku faani
doonto Mustaqbalka,waxaana ugu baaqayaa dhamaan bahda
Saxaafada caloosha fiyoow inay talooyinkooda ku biirayaan
maamulka gacana ka geystaan sidii RAAD u noqon lahaa mid
raadkiisa Saxaafadda raacdo" ayuu yiri Dahir Alasow.
Mr Alasow wuxuu ugu dambeyn xusay
in xumaan iyo samaan telefishinka wixii uu xambaarsan
yahay laga bogan doono dhawaan,taasina ay cadeyn u noqon
doonto bartilmaameedka fog ee uu tiigsanayo RAAD TV
Xasuusta
Marxuum Axmed Nuur Jaangoow iyo laxamadiisa
Heesta Dhaxalsuge Maxamed Aadan Shamuuri MP3
Halkaan ka dhageyso Warbixinta Weriye Xasan Cadde
