Topnews:- Xukumadda
Washington oo qorsheyneysa inay burburiso Shirkadaha
dhaqaalaha Al-Shabaab.
Nairobi
05 /May/2008
Waagacusub.com
Xukumadda
Washington ayaa qorsheyneyso inay tilaabada labaad ku
bartilmaameedsato shan ka mida Shirkadaha ganacsi ee ugu
waaweyn Soomaaliya sida ay Waagacusub ugu xog warameen ila
wareedyo kala duwan oo aad loogu kalsoon yahay.
Ila wareedyada
waxay tibaaxeen in shanta Shirkadooda ay Washington ku
dartay liiska Shirkadaha ay leeyihiin Shabaakadda Al
Qaedda ee ka hoowlgala Soomaaliya ay ka mid yihiin labo
Xawaaladood ,labo Shirkad Isgaarsiineed iyo Shirkad
ganacsi guud,waloow ay dhanka kalena xuseen inay saami aan
burneyn ku leeyihiin ganacsato Soomaaliyeed oo aan lug ku
lahayn falal argagixiso.
“ Xukumadda
Washington waxay la socotaa Shirkadaha maalgeliya Canaasiirta Al-Shabaab ee ka
hoowlgala Soomaaliya,waxaa kale oo ay la socotaa
dariiqyada ay dhaqaalaha ku siiyaan ama marsiiyaan laakiin
waxaa kale oo aan ognahay in Shirkadaha
la xaqiijiyay ay saami aan burneyn ku leeyihiin
ganacsato Soomaaliyeed oo aan falalka argagixisada lug ku
lahayn sidaas daraadeed waa muhiim inaysan ku qatalmin
sidii hore u dhacday” ayuu yiri diblomaasi ka tirsan
Waaxda Geeska Afrika ee Mareykanka oo u waramay Waagacusub
Media.
Diblomaasi sare
oo ka mida diblomaasiyiinta ugu caansan Soomaaliya ayaa
tibaaxay in Mareykanka ay cuuryaminayaan dhaqaalaha
Soomaaliya gaar ahaan Shirkadaha ku xiran Al-Shabaab oo ay
qorsheynayaan inay xayiraad saaraan.
“ Mareykanka
waxaanu leenahay qalad labaad haku sameeynina Shacabka
Soomaaliyeed iyo dhaqaalahooda,ganacsatada Soomaaliyeed ee
nadiifkaana waxaanu leenahay iska hubiya dadka aad
ganacsiga la wadaageysaan”ayuu yiri diblomaasigaas oo
xusay in Washington hore xaq daro u xayirtay hantidii
Shirkadii Barakat Bank.
Siyaasi ka mida
siyaasiyiinta waaweyn ee Soomaaliya lana rumeysan yahay
inuu yahay hogaamiye xiriir wanaagsan la leh Washington
ayaa Shirkadaha Soomaaliya ee waaweyn qaarkood ku
tilmaamay inaysan ku shaqeyn dariiqa ganacsiga
xorta,isagoo xusay inay ku ciyaarayaan bam furan oo
halistiisa leh.
“ Shirkadaha
Isgaarsiinta Soomaaliya ka jira qaarkood waxay lug ku
leeyihiin dilal lagu qaarijiyo shaqsiyaad muhiima oo ay ka
mid yihiin aqoonyahano Soomaaliyeed,waxaana la soconaa
inay gacan u fidiyaan International Al-Shabaab oo
telefoonada dhageysi ku sameeyaan”ayuu yiri mid ka mida
siyaasiyiinta Soomaaliyeed ee sida tooska ugu xiran
Xukumadda Mareykanka.
Saraakiil ka
tirsan Sirdoonka Mareykanka ayaa laga soo xigtay inay
xalka soo afjarida hoowlgalkooda Soomaaliya u arkaan in la
burburiyo ilaha dhaqaale ee International Al-Shabaab
taasina ay tahay sababta ay tilaabadooda labaad u
bartilmaameedsanayaan Shirkadaha ganacsiga Soomaaliya shan
ka mida.
Xukumadda
Washington ayaa u muuqato inay hoowlgaladeeda Soomaaliya u
adeegsaneyso awood Melleteri oo aan la ogayn Mustaqbalka
guulaha ay ka gaari karaan,waxayna dhawaan afar gantaal oo
ka mida gantaalaha ay Mareykanka u sameeysteen Ruushka ay
ku garaaceen degmo yar oo ka
mida gobolka Galgaduud laguna magacaabo Dhuuso
Mareeb,taas oo ay ku dileen qaar ka mida hogaamiyaasha
sare ee International Al-Shabaab iyo shacabka rayidka.
Inkastoo aanan
kooxda Shabaabka Caalamiga laga jecleyn gudaha Soomaaliya
hadana sharci yaqaanada Afrika iyo Wadaniyiinta
Soomaaliyeed waxay qalad u arkaan in Mareykanka
gantaaladii uu Ruushka u sameeystay ku garaaco bulsho
rayida uuna ka qeyla dhaamiyo dunida meeshii lagu dilo
Muwaadin Mareykanka.
“ Muwaadin
Mareykana hadii la dilo Washington way qeeylineysaa
laakiin dhanka kale wax dimbiya uma aragto inay
gantaalahii Waarso ku garaacdo degmooyin ka tirsan
Soomaaliya sida Dhoobleey iyo Dhuusomareeb”ayuu yiri mid
ka mida sharci yaqaanadda Soomaaliyeed.
Dowladda
Federalka ee Madaxweyne Yusuf ayaa siyaasad ahaan ku
faraxsan hoowlgalada Mareykanka ee Soomaaliya hasse
yeeshee wararka
hoose waxay tilmaamayaan in Madaxda sare ee
Federalka ka mid yihiin 33 Masuul oo la horgeyn
doono Maxkamad Caalamiya si loogu qaado xasuuq dimbiyo
dagaal iyo taageerid hoowlo argagixiso.
Warbixintaan oo
aan ka soo xiganay Saraakiil reer galbeeda oo lagu kalsoon
yahay waxay hoosta ka xariiqayaan in 33 Masuul ee la
Maxkamadeynayo Mustaqbalka dhaw ay isugu jiraan
Siyaasiyiin,Aqoonyahano iyo ganacsato Soomaaliyeed kuwaas
oo la dhameystiray gal dacwadeedkooda balse muhiimadu
tahay in jaanisyada la kala hormariyo.
Si
kastaba ha ahaatee,Diblomaasiyiinta reer galbeedka waxay
rajo ka qabaan inay hoowgaladooda Soomaaliya soo afjaraan
ka hor sanadka 2009 si ay uga hergeliyaan dowlad
maqaarsaara una dhiganta Xamiid Karaasayga Afghanistan.
Halkaan
ka daawo Sawiradda Xulalka Kenya Vs Somalia
