Muqdisho oo
laga furay Dugsiga Farsamada Gacanta lacag la'aan,daawo
sawiradda
Muqdisho 10
/May/2008
Waagacusub.com
Dugsiga
sare u qaadida xirfada iyo heerka waxbarasho ee ardayda
ayaa manta laga furay dagmada kaaraan ee magaalada
Muqdisho ka dib xaflada balaaran oo halkaasi ka
dhacaday ,
Munaasabadaan
oo ay ka qeyb galeen mas’uuliyiinta Degmada Kaaraan oo
uu ka mid yahay Guddoomiyaha Degmada C/llaahi Maxamed
Rooble, Waalidiinta, ardayda Dugsiga H/dhexe ee Kaaraan
Vocational Training Center, iyo ardayda loo xulay
waxbarashada Dugsigaas iyo Marti sharaf kale, ayaa waxaa
ugu horeyn warbixin ka soo jeedisay Xiriiriyaha Hay’adda
Gotenborg Initiative (GI) Marwo Faaduma C/llaahi Macallin
oo si guud uga warbixisay Mashruucan oo ah mid laga
hirgelinaayo gobolada Koofureed (South Central Somalia).
Marwo
Faadumo waxay sheegtay in mashruucaan uu yahay mid socon
doona muddo laba sano ah, waxaana loogu talagalay in dib
loogu soo nooleeyo ardaydii waxbarashada hakadka ka galay
oo ay hakiyeen dhibaatooyinkii Soomaaliya ka dhacayay
18-kii sano, si loo helo arday wanaagsan oo heerka
aqoontooda ay sareyso.
Munaasabadaan
lagu furayay Dugsiga H/Dhexe ee Kaaraan Vocational
Training Center ayaa waxaa hirgeliyay Hay’adda caalamiga
ah ee xarunteedu tahay dalka Sweden laguna magacaabo ka
dhisa Gotenborg Initiativet (GI), waxaana maalgeliyay
ururka Midowga Yurub, iyadoo ay fuliyeen NGO-ga lagu
magacaabo SHARDO oo ah NGO maxalli ah.
Dugsigaan
ayaa waxaa loogu talagalay inay wax ka bartaan 60-Arday,
kuwaasoo 30-ka mid ah la barayo Kalkaaliye caafimaad
(Nursing) halka 30-ka kalena la barayo Electronic, waxayna
waxbarashadu socon doontaa muddo 6-Bilood ah, iyadoo
ardaygii ku guuleystana la siin doono Shahaaddo.
Hay’adaan
lagu magacaabo Gotenborg Initiativet (GI) ayaa ugu
talagashay in mashruucaan uu socon doono muddo laba sano
ah in laga hirgeliyo Koofurta iyo bartamaha Soomaaliya,
waxaana loogu talagalay in wax lagu baro 810-Arday,
kuwaasoo da’doodu ay dhan tahay 16—24-sano oo ah kuwii
ay ka kala go’day waxbarashada asaasiga ah ee dalka
Mas’uuliyiintii
ka qeyb gashay munaasabadaas sida Guddoomiyaha Degmada
kaaraan C/llaahi Maxamed Rooble, ayaa isna khudbad kooban
ka jeediyay halkaasi, isagoo tilmaamay in ay had iyo goor
ku dadaali jireen sidii loo horumarin lahaa aqoonta
dhallinyarada iyo dadka ku nool Degmada Kaaraan, wuxuuna
mahad gaar ah u jeediyay Hay’adihii fuliyay iyo kuwii
gacanta ka geystay furitaanka Dugsigaan.
Waa
Ilaah mahadiis haddii aan manta helnay waxbarasho lacag
la’aan ah, anaguna waxaan diyaar la nahay inaan
caruurteena ay ka qeyb qaataan sidii ay uga aflaxi
lahaayeen Dugsigaan, waana soo dhoweyneynaa haddii aan
heleyno waxbarasho naloogu keenay degaankeena, weligeyna
waxaanu ku dadaaleynay sidaan u heli lahayn, wallow aan
ognahay inay jiraan arday Soomaaliyeed oo loo tababaro
qaraxyada iyo dilalka, anagoo taasi weligeen ka dagaalami
jirnay inaan ardaydeena aan waxyaabahaas lagu tarbiyeynin,
ayna noqoto tarbiyada ilmaheena mid anfacda adduun iyo
aakhiro” ayuu yiri C/llaahi Maxamed Rooble oo dhinaca
kale sheegay in muddo 9-bilood ah oo uu hayay xilka
Guddoomiyenimada uu arkaayay hay’ado waxqabadkooda uu ku
eg kormeer kaliya, Sidaa darted ayuu yiri “Waa inaan
waxa aan heysano wax ku sameysano”.
Sidoo
kale waxaa munaasabadaasi ka hadlay Maxamed Shukri
Macallim oo madax ka ah Hay’adda SHARDO, iyo maamulaha
Dugsiga iyo Cali Axmed (Cali Cirro) oo ku hadlayay magaca
waalidiinta, kuwaasoo si guud uga warbixiyay mashruucaan
lagu furaayay Promoting of Employment through Training (PETT).
Heesta
Dhaxalsuge Maxamed Aadan Shamuuri MP3
Halkaan ka dhageyso Warbixinta Weriye Xasan Cadde
