Topnews:- Ergadda
Isbaheysiga Casmara ee Jabuuti labo garab u kala
jabtay.
DJabouti 11
/May/2008
Waagacusub.com
Ergadda
Isbaheysiga dib u xoreynta Soomaaliya ee ku sugan Jabuuti
ayaa labo garab u kala jabtay sida ay Waagacusub u
xaqiijiyeen qaar ka mida ergadaas oo aan khadka telefoonka
kula xiriirnay.
“ Ergadu waxay
u kala jabeen labo garab oo ay kala hogaaminayaan Ibraahim
Xasan Cadow iyo Cabdi Raxmaan dheere,kooxdii Maxaakiimta
waxay raaceen Ibraahim Xasan Cadow,raggii Al Islaax waxay
la safteen Cabdi Raxmaan dheere oo ah Gudoomiye ku
xigeenka golaha dhexe ee Isbaheysiga,waxay xantu tahay in
Ibrahim Cadow uu doonayo meelmarinta heshiiskii ay ku
saxiixeen Nairobi ee dhigayay in wada hadal lala furo
dowlada laakiin garabka kale waxay ergayga Qaramadda
Midoobey weydiisteen in wada hadalada dib loogu dhigo”
ayuu yiri diblomaasi caana oo ka tirsan dowlada Jabuuti
una waramay Waagacusub.
“ Dhamaan
Ergadda joogta Jabuuti ee Isbaheysiga ka tirsan ma jiraan
cid ay metelaan,waxayna isku heystaan danahooda,waxaanu
leenahay xishooda oo ilaaha ka baqa kuna soo laabta deg
deg Casmara” ayuu yiri Sheekh Xasan Dahir Aweys oo
dhinaca kale xusay inaysan jirin wax wada hadal lala
gelayo dowlada Cabdulahi Yusuf,waa sida uu hadalka u
dhigaye.
“ Dowlad ku
sheega Cabdulahi Yusuf wax wada hadala lama
galeeyno,waxaan ugu baaqeynaa Muqaawimadda inay
halgankooda gobanimadoonka sii labo jibaaran,ragga madaxda
Isbaheysiga sheeganaya ee qiyaanada lagu qabtay waxaan
leenahay kiis iska waalka iyo hadalada qiyaanadaa waan
idinka diidnay,waxaan damacsan tihiin waan la soconaa,in go-aan la idinka gaarana waa mid qasaba” ayuu yiri Xuseen
Maxamed Ceydiid oo xusay inuu tegayo gudaha dalka
Soomaaliya.
“ Arrimaha
dibadda anigaa metela,xoghayahii arrimaha dibadda waa
aniga,Gudoomiyahii gudigga arrimaha dibadda ee Amb
Cashara,ergada Jabuuti tegay ee leh waxaan la kulmeeynaa
Qaramadda Midoobay ,yaa u igmaday hoowshaas,waxaanu
leenahay xishooda oo shaqooyinkiina qabsada”ayuu yiri
Yusuf dheeg oo Isbaheysiga dib u xoreynta u qaabilsan
arrimaha dibadda.
“ Heshiiskii
lagu galay Nairobi ee ay saxiixeen hogaamiyeyaasha
Isbaheysiga waa inay u hogaansamaan oo meelmariyaan wada
hadalo ay la galaan dowlada Federalka hadii aysan taasi
dhicina waxaa garsoore noqon kara shacabka Soomaaliyeed
maxaa yeelay ,waxaanu dooneynaa inaan xaqiijino cidda dib
u heshiisiinta diidan” ayuu yiri Ahmed Ould Abdalla oo u
waramay Waagacusub.
“ Ibraahim
Xasan Cadow muxuu ka yahay horta Isbaheysiga,sidee ku
hogaamin karaa ergada Isbaheysiga,waa iska foowdo iyo
sharci daro lagu bahdilayo sumcadda Isbaheysiga dib u
xoreynta”ayuu yiri
Mudane Cabduqadir dhaqane oo ka mida madaxda sare
ee dib u xoreynta Soomaaliya.
“ Shariif
Sakiin Dubai ayuu u dhuuntay,Shariif Sheekh Axmed markii
uu arkay in xaaladu xun tahay ayuu Doha kala xiriiray BBC
Somali ,wuxuuna siyaasadda uga baxay Shariif Xasan Sheekh
Aadan oo ay hore ugu heshiiyeen in dowlada awood qeybsi
lala sameeyo oo lagula hadlo Jabuuti”ayuu yiri mid ka
mida golaha fulinta ee Isbaheysiga dib u xoreynta Casmara.
“ Xuseen
Ceydiid ayaan dhageystay wareysigiisii VOA Somali ,.allaylahe
wuxuu isku qaso war moowqifkiisa ayuu cadeeyay,waxaana
muuqato inuu dariiq saxa maray,oo isaga warkiisa meel
marayo,maadama ay Shariifyadii hore u sheegtay
tanaasulaada hada la soo shir tageen lama hadleeyno
dowlada”ayuu yiri mid ka mida aqoonyahanadda
Soomaaliyeed ee qurbaha ku nool.
Halkaan
ka dhageyso codka Shariif Sheekh Axmed ee BBC Somali
Shariif Xasan
Sheekh Aadan ayaa Warbaahinta hore uga sheegay inay ka
tanasuleen qodobkii ay ku xireen wada hadal ay la galaan
dowlada ee dhigayay inaysan la hadleen inta Itoobiyaanka
ka baxayaan Soomaaliya hasse yeeshee Xuseen Ceydiid ayaa
isla waqtigaas naqdiyay warka Shariif Xasan wuxuuna
sheekada Gudoomiye Shariif Sakiin ku tilmaamay mid aan wax
ka jirin.
Wareysiga
Shariif Sakiin ee laba bogleynta dhageyso
“ Cidii
dowlada ku sheega Cabdulahi Yusuf hor fariisato,waxaan u
aragnaa inay Dance ku dul ciyaareyso khabuuraha kumanaanka
Soomaaliyeed ee Itoobiyaanka ku xasuuqeen Soomaaliya,mana
jirto awood siineyso in labada Shariif la hadlaan kooxda
Cabdulahi Yusuf”ayuu yiri Xuseen Maxamed Ceydiid oo
dhinaca kale xusay inuu isaga tegay federalka isagoo ah
Ra’isulwasaarre ku xigeen iyo Wasiir.
Halkaan
ka dhageyso Wareysi uu Xusen Ceydiid siiyay VOA
Dowlada Jabuuti
ayaa wax laga xumaado ku fasirtay is qabqabsiga ka dhex
aloosan ergada Isbaheysiga waxayna xusen inaysan ergadda
hogaamineyn madaxdii
sharciyadu siineysay.
Si kastaba ha
ahaatee,todobaadka gudahiisa ayaa lagu wadaa inay
golayaasha Isbaheysiga dib u xoreynta qaraar rasmiya ka
soo saaraan labada Shariif ee hogaanka sare iyo ergada
Jabuuti ku jooga sharci daradda siyaasadeed.
Xasuusta
Marxuum Axmed Nuur Jaangoow iyo laxamadiisa
Heesta Dhaxalsuge Maxamed Aadan Shamuuri MP3
Halkaan ka dhageyso Warbixinta Weriye Xasan Cadde
