Weriye
Xasan Cadde oo warbixin ku eegaya wada hadalada Jabuuti.
DJabouti 10
/May/2008
Waagacusub.com
Shirka dib u
heshiisiinta ee ay garwadeenka ka tahay Q/Midoobay ayaa
waxaa soo wajahay caqabado Sabab u noqon kara in uu bur
buro kadib markii shuruudo lama filaan ah ay ku xireen
isbahaysiga Dib u xoreynta ee fadhigiisu yahay Magaalada
casmara ee wadanka Ereteria.
Inkasta oo labadii ergo ee ka kala socday dawlada
Federaalka Soomaaliya iyo Isbahaysiga casmaro ay gaareen
madasha shirka Jabuuti hadana ma muuqato sansaan
muujinaysa in ay si toos ah ugu wada kulmayaan
jabuuti.iyadoo mas uul u hadlay isbahaysiga casmara uu ku
dhawaaqay in aanay marnaba hor fadhiisan doonin wax uu ugu
yeeray dawlada ku sheeg Soomaaliya.
Warar ka soo baxaya dhinaca casmara waxay sheegayaan in
isbahaysiga ay haysato dhibaato laba dhinac ah waa mida
hore:-
1-iyada oo uu cirka isku shareeray muranka dhinaca
wadahadalada ee u dhaxeeya isbahaysiga dhexdiisa kaasi oo
qaarkood ay ku adkaysteen in aananba latagin jabuuti
iskaba daa in la horfadhiista dawlada Federaalka
Soomaaliya.
2-Isbahaysiga oo uu soo wajahay culays siyaasadeed oo kaga
imaanaya dhinaca beesha caalamka kaasi oo khasab kaga
dhigay in ay xubno u soo dirsadaan Jabuuti iyagoo ka caga
jiidaya.
Kasakoow wafuuda labada dhinac waxaa kale oo madasha
shirka soo gaaray diblamaasiyiin caalami ah,oo ay
furitaanka shirka ku casuumtay Qaramadda midoobay.
Shirkan oo aanay Soomaalidu ka fileyn rajo badan ayaa
Ergayga Q/midoobay u qaabilsan Soomaaliya AHMEDU OULD
ABDALLA waxaa uu ka muujinayaa rajo Wanaagsan,isagoo
sheegay in labada dhinac,dawlada iyo mucaaradka
ay is hor fadhiisan doonaan,Balse waxaa taasi
Gaashaanka ku dhuftay Gudoomiyaha isbahaysiga dib u
xoreynta Soomaaliya Shiikh Shariif Shiikh Axmed oo sheegay
in aanay Marnaba la fadhiisan doonin Dawlada F Soomaaliya
Inta Wax uu Shiikhu Ku tilmaamay Cadawga Ithopia ay
ku jiraan Gudaha Soomaaliya,
Waxaa jira cabsi ay qabaan Kooxda casmara oo ah in
shirqool loo maleegayo taasina waxay keentay in Xitaa
halkii hoteel ee loogu tala galay in labada ergo la dajiyo
ay isaga dareereen wafuudii casmara ee ka koobnaa Todobada
Xubnood,iyagoo meesha ka saaray jiritaanka wax dawlada la
yiraa oo ay wadahadal lagalayaan.
Arrintan ayaa walaac ku abuurtay Ergayga Q/midoobay u
qaabilsan Soomaaliya Mr Axmadu Ould Abdalla oo rajo badan
ka qabay in shirku labada dhinac si rasmi ah ugu furmo.
Dhinaca Kalena Dawlada Federaalka Soomaaliya oo Wafdifeedu
gaaray Magaalada Jabuuti ayaa ku tilmaantay wadahadala mid
u dhaxeeya iyaga iyo Kooxaha Kasoo horjeeda,Waxayna ugu
baaqeen kooxda Casmara in aanay wax shuruud ah ku xirin
wada hadalada.
Madaxweyne C,laahi yuusuf Axmed oo dhawr mar ka hadlay
wada hadaladan Jabuuti waxaa uu sheegay in ay
cid kasta oo dawladiisa mucaarad ku ah lahadlayaan,
Hadaladan oo aan looga baran Madaxweynaha Marka loo eego
qaabkii uu u hadli jiray ayaa shaki badan ku abuurtay
isbahaysiga Casmara.
Mas’uul jooga Casmara oo goordhaweyd la hadlay
Waagacusub ayaa sheegay in marka la fiiriyo dhaqanka
Beesha caalamka iyo hadalada C,laahi Yuusuf ay yihiin kuwo
la doonayo in lagu shirqoolo Midnimada iyo Dastuurka
isbahaysiga Dib u Xoreynta wuxuuna ugu Baaqay Beesha
caalamka inay si toos ah u wajahdo Xalka Soomaaliya .
Si kastaba Arrintu Ha ahaatee Sida ay sheegayaan Warar
laga helayo ilo muhiim ah waxaa socda qorshe la doonayo in
lagu kala dhantaalo isbahaysi iyadoo loomarayo Dawlada
Eretrea taasi oo ay uga feejiganyihiin isbahaysiga iyadoo
loo marayo qaab qorsheysan oo loogu raadinayo mar marsiiyo
sida hadii ay diidaan wadahadaladan la doonayo in labada
dhinac la isku soo horfadhiisiyo,Balse la arki doonee
halka uu ku danbeeyo shirka tobanka bishan ka furmaya
jabuuti oo ku beegan maanta.
Weriyaha
Arrimaha siyaasadda ee Waagacusub
Xasan
Sheekh Axmed Cadde
Cadde09@hotmail.com
Heesta
Dhaxalsuge Maxamed Aadan Shamuuri MP3
Halkaan ka dhageyso Warbixinta Weriye Xasan Cadde
