Labada
Weriye oo sanadihii ugu dambeeyay ka hoowlgeli jiray Horn Afrik
Media INC iyo Shabelle Media Network waxay isu dhiibeen Laanta
Qaxootiyada Dalka Holand waxayna wada hadalo la leeyihiin
Saraakiisha Magangalya siinta Qaxootiyada Nederlandse ee (IND) iyo
Suxufiyiinta Soomaaliyeed ee dalka kaga soo horeeyay.
Abdullahi
Jama iyo Mohamed Afgoye waxay Weriyaasha Soomaaliyeed ee ku sugan
Holand kala hadleen sida wax loogu qaban karo Saxaafiyiinta
Soomaaliyeed ee dhibaatada amaan iyo nolol xumo ku heysato gudaha
Somaliya iyo dalalka la deriskaa sida ,Ethopia,Kenya,Uganda,Yemen,Jabouti
iyo Somaliland.
“Waligey
kuma aanan fikirin in cabsi i soo wajahdey aan ugu soo cararaayo
dalkeyga laakiin markii aan arkey meydka agaasimaheygii Ali Iman
Sharmake iyo Saaxiibkeygii aan wada shaqeyn jirney ee Mahad Ahmed
Elmi ayaan dareemey in aanan waxba ka duwaneyn oo sidaas oo kale
ay ii dilayaan kuwa sida foosha xun u diley saaxiibada aanan
ilaawi karin” ayuu yiri Weriye Abdullahi Jama oo Warbaahinta
Waagacusub cusub ugu waramay gobolka Fresland ee Dalka
Nederlandse.
“Iyadoo
Maalin walba dil la iigu hanjabayo ayaan is adkeeyn jiray oo
shaqadeeyda sii wadan jiray laakiin markii dambe waxaan
garwaaqsaday inaan dhuudhuumaaleysi ku sii noolaan karin,waxayna
la taliyaasheeyda ama Saaxiibadeeyda igula taliyeen inaan baxsado,sidaas
ayaana uga soo cararay dalkii oo Magalyada ku weydiistay
Nederlandse”ayuu yiri Mohamed Abdi Farah Afgooye oo dhanka kale
xusay inay weli ka hor muuqdaan Weriyaashii ay saaxiibada shaqo
wadaaga ahaayeen ee Muqdisho sida foosha xun loogu dilay.
Abdullahi
Jama Ali waxaa uu ka mid ahaa
Barnaamij soo saarayaashii Idaacada iyo Telefishinka
HornAfrik sidoo kalana
Mahamed Abdi Farah {Afgoye} waxaa isagana uu ka mid ahaa
Weriyaashii lafdhabarta u ahaa
Shabelle Media Network gaar ahaan Barnaamij soo saarayaasha
Idaacadda Shabelle ee Mogadishu.
Dowladaha
Ingiriiska,Nederlandse,Sweden iyo Norway ayaa noqday afarta dal ee
magangalyada siisay Weriyaashii Soomaaliya ugu caansanaa.
Dalka
Nederlandse waxaa hore u joogay Weriyaal caana oo Somaliya laga
wada yaqaan ayna ka mid yihiin,Abdi Shakuur Elmi Hassan,Dahir
Abdulle Alasow,Nafiso Nur Osman,Mohamed Osman Sheik(Qadafi)
Mohamed Sandiir, Abdi Rahman Guurre,Hawo Mohamed Mohamud,Mohamed
Muusse Daa-uud,Sa’eed Abdi Siyad iyo Hodan Abdi.
Dalka
Ingiriiska oo la rumeysan yahay inuu yahay qaarada Yurub dalka
tirada ugu badan Weriyaasha Soomaalida magangalyada siiyay waxaa
Weriyaasha ku nool ka mida:- Hassan Sheikh Ahmed Cadde,Abdulkadir
Mohamed Ashar Nadaara,Ridwan Hajji Abdi Weli,Awil Dahir Salad,Abdi
Shakuur Ali Yusuf(Gaal eri) Mohamed Hajji Barre Fiyoore,Farhaan
Mohamed Jim’ale,Ali Jenyo,Sahro Rooble,Omar Diini Geeddi,Farah
Roble Beereey iyo
Mohamed Caano geel.
Dalka
Sweden oo la rumeysan yahay inuu yahay dalka sedexaad ee qaarada
yurub ay ku nool yihiin Weriyaasha Soomaaliya waxaa laga tilmaami
karaa,Mohamed Yusuf,Farxiyo Ali Qaajo,Mohamed Amin Sheik Adow,Abdi
Fitah Muhudiin Nur(
La Jecloow
) Jabriil Abdulle Ibrahim(Jabra) Ikraam Ali Kaar,Hussein Abdi
Alasow,Ahmed Sheik Ali Kalay iyo Weriyaal kale oo badan.
Norway
ayaa la tiriyaa inay tahay dalka afaraad ee ay ku nool yihiin
Weriyaal laga xusi karo Qaasim Neero,Cabdulahi Fat iyo Caano Boore.
Dhibaatada
Wariyeyaashaan badankood ku qasabtey inay ka soo cararaan
dalkoodii Hooyo ayaa calaamad u ah heerka ay la egtahey dhibaatada
lagu hayo Saxaafada xorta ah ee Soomaaliya,Waxayna beesha caalamka
qirsan tahey in wariyayaasha ka soo cararay Somaliya ay yihiin
dhaqdhaqaaqayaashii ugu weynaa ee aduunka u gudbin jiray
tacadiyada iyo dhibaatooyinka lagula kacayo Shacabka taas oo la
rumeysan yahay in hadii aan wax laga qaban ay sii xumaneyso Madax
banaanida Saxaafadda Somaliya iyo Arrimaha Xaquuqul Adana ee
Soomaaliya.
Hay,ada
u dooda xuquuqda aadamaha ee Amnesty international ayaa dalka
Soomaaliya ku sheegtay inuu noqdey meesha ugu dhibka badan aduunka
marka loo eego Saxaafada Madaxa
banaan,iyadoo sanadkii la soo dhaafey oo kaliya lagu diley ilaa 9
Weriye oo ka mid Ragga ugu caansan bahda Saxaafada madaxa banaan
ee ka shaqeysa gudaha Dalka Soomaaliya kuwaas oo shan ka mid ah ay
u dhinteen shaqadooda Saxaafadeed.
Dilka,Xariga,Jirdilka
iyo handadaada lagula kacey Wariyeyaasha Soomaaliya ayaa waxa uu
sabab u noqday in Weriyeyaashii ugu caansanaa ay ka soo carareen
gudaha dalka iyagoo u kala firxadey dalalka dariska iyo daafaha
caalamkaba.
