Afhayeen
Abuu Maansuur oo gabdhaha Soomaaliyeed meel ka dhac ku
sameeyay.
Muqdisho 09
/May/2008
Waagacusub.com
Qaar
ka mida Gabdhaha Soomaaliyeed ayaa Afhayeenka Shabaabka
Caalamiga ee Soomaaliya Mukhtaar Rooboow Cali (Abuu
Maansuur) ku eedeyay inuu meel ka dhac iyo bahdil ku
sameeyay kaalinta ay gabdhaha Soomaaliyeed kaga jiraan
halganka gobanimadoonka Soomaaliya,waxayna hadal laga
xumaado oo liidnaana ku tilmaameen in Afhayeenka Al-Shabaab
Warbaahinta siiyay kalmado aysan ka mudneyn.
“
Waxaan ka xanuunsaday erayada liidnaanta uu liiday
gabdhaha Soomaaliyeed oo uu k sareeysiiyay ragga,waxaana
ugu baaqeeynaa inuu raali gelin ka bixiyo meel ka dhaca uu
gabdhaha la dhashay ee Soomaaliyeed kaga dhigay kuwa cidii dhashay ay qasaartay” ayey si caro leh u tiri Marwo
Caasho Geelle oo khadka telefoonka kula soo xiriirtay
Waagacusub.
Marwo
Caasho Geelle waxay ku faantay inay gobanimadoonka
Soomaaliya gabdhaha horseed u yihiin,raggana kaashanayaan.
“
Ragga way na dhaleen,nala dhasheen,u dhaxnay sidaas
daraadeed la’aantood waxba maahin,mana xaqireeyno
kaalintooda laakiin dhalinyarada Al-Shabaab waxaan ka
sugeeynaa inay si cad nooga xaal mariyaan gefka iyo meel
ka dhaca Afhayeenkooda” ayey ku celcelishay Marwo Caasho.
Afhayeenka
Shabaabka Caalamiga ee Soomaaliya ayaa Warbaahinta
Muqdisho u sheegay in ardayda Macalin Adan Ceyroow
soo tababaray ay joogaan oo u aarayaan,lana arkayo
inuu wiilal ka tegay iyo inuu gabdho ka tegay.
“ Mareykanka sidiisa oo kale
Geerida uguma cabsano, hadii nala dilo waxaan heleynaa
shahaado, in nala dilana cabsi naguma heyso, howlihii
ururka Al-Shabaab-na hada ayay kor u kaceen, waxaana la
arkayaa in Macalinka Wiilal ka tagay iyo inuu gabdho ka
tagay” ayuu yiri Afhayeenka dhaq dhaqaaqa Al-Shabaab
Sheekh Mukhtaar Roobow oo shaaca ka qaaday inay shalay
ciidamadooda ay dileen taliyihii ka talin jiray Diinsoor
kaas oo isaga iyo ilaaladiisa ay Miino kula qaraxday
afaafka hore ee magaalada Baydhabo.
Si
kastaba ha ahaatee,boqolaal ka tirsan gabdhaha
Soomaaliyeed ayaa Emailo iyo telefoono u soo diray
Waagacusub,waxayna garasho hoose ku tilmaameen liidnaanta
uu Warbaahinta ka liiday Afhayeen Abuu Maansuur
Halkaan ka dhageyso Warbixinta Weriye Xasan Cadde
