Warar ka soo baxaya Xarunta
Isbaheysiga dib u xoreynta ee Casmara ayaa sheegaya in
xilalkii laga qaaday hogaamiyaasha Isbaheysigaas ee
labada Shariif.
Ila wareedyadu waxay sheegayaan
in go-aankaas ay isla gaareen Madaxda Dowladda Ereteria
iyo qaar ka mida Masuuliyiinta Isbaheysiga sida Xasan
Dahir Aweys,Xuseen Maxamed Ceydiid,Cumar IImaan
Abuubakar,Jaamac Maxamed Qaalib,Yusuf Dheeg Amb Casharo
iyo masuuliyiin kale.
Inkastoo wararku tibaaxayaan in
todobaadkaan gudahiisa ay shirweyne u fariisanayaan
golayaasha Isbaheysiga hadana waxaa la sheegayaa in
xilka Gudoomiyenimada ee golahaas si ku meel gaara loogu
magacaabay Xuseen Maxamed Ceydiid.
Shariif Sheekh Axmed iyo Shariif
Xasan Sheekh Aadan ayaan la ogayn sida ay ugu qancayaan
xilka qaadista lagu sameeyay ,waloow ay ku kala sugan
yihiin Dubai iyo Doha xilli xasaasiya oo Isbaheysigooda
ku jiro dagaalkii ugu cuslaa ee ka dhana dowlada
federalka iyo Xukumadda Itoobiya.
Xuseen Maxamed Ceydiid iyo Xasan
Dahir Aweys oo aan khadka telefoonka kula xiriirnay ayaa
ka gaabsaday warkaan ku saabsan in xilalkii ay ka
qaadeen labada Gudoomiye ee Isbaheysiga hasse yeeshee
marka laga ambaqaado sida aan bil ka hor ku faafinay
Topnews Waagacusub waxaa xaqiiqaa in la waday qorshe
xilalka looga qaadayay Shariifyada Isbaheysiga oo lagu
eedeynayay inay ku kaceen falal qiyaanooyin siyaasadeed
ka dhana dastuurka Isbaheysiga dib u xoreynta Soomaaliya
